राख संवाददाता
झुम्का,असोज १६ । थारु चलचित्र तथा साँस्कृतिक संघ सुनसरीले जितिया पावैन बिशेष साँस्कृति कार्यक्रमको आयोजनागरी सम्पन्न गरेको छ । कार्यक्रममा थारु पौराणिक महत्व तथा पहिचानका लोप संस्कृति झल्काउँदै प्रमुख आयोजक संघले जितिया पावैन कार्यक्रम सम्पन्न गरेको हो ।
तराई महिलाहरुले धार्मिक आस्थाले कठोर व्रतगरी बालबच्चाको दिर्घायुुको कामना गर्दै जितिया पर्व मनाउने परम्परा रहेको छ । यस परम्परालाई निरन्तरता दिन प्रतिनिधि सांसद कल्पना चौधरीको प्रमुख आतिथ्यतामा रामधुनी वडा नं. ६ र ७ को थारु समुुदायहरु सहभागी हुुँदै संयुक्त रुपले कार्यक्रमलाई भब्यता प्रदान गरिएको छ ।
कार्यक्रममा थारु परम्परागत रुपले मान्दै आएको संस्कार घर भित्र्याएको धान सुरक्षित गर्न मोइर राख्ने परम्परा, विवाहमा दिइने र पुरुषले बोकेर बेहुलाको घर सम्म लाने भारभरिया, विवाहमा महिलाले लिने डब्बा, टुुङ्गनी, कसौवा तमघैल (गांग्री) दिइने चलनको महत्व झल्काएका छन् । जुन अहिले लोप अवस्थामा छ । यी संस्कार र परम्परा थारु पहिचानका मान्यता रहेकोले लोप हुन लागेकोले उजागर गरेका छन् ।
जितिया पर्वको महत्व र आदिवासी तथा गैर आदिवासीहरुमा एकता, महिला नेतृत्वमा अग्रसरतामा पहुचका लागि कार्यक्रमको उधेश्य सहित आयोजना गरेको थारु चलचित्र तथा साँस्कृतिक संघ सुनसरी अध्यक्ष जानकारी चौधरीले जानकारी दिनुभयो ।
कार्यक्रममा गाउँटोलबाट झाँकी सहित बृहत उपस्थितीमा मञ्च मार्फत विविध कला प्रस्तुत गरिएको थियो । थारु समुदायको मौलिक धुम्रानाच, सकेलानाच, लाखेनाच, च्याम्ब्रुुङ्ग, हुर्रानाच प्रस्तुतगरी कार्यक्रमलाई समावेसी गरिएको थियो ।
कार्यक्रममा समन्वय थारु कल्याणकारिणी सभा र थारु महिला सभा रामधुनी वडा नं. ६ र ७ वडा समिति रहेको मुल आयोजक समितिले जनाएको छ । रामधुनी वडा नं. ६ बक्लौरीको आइतवारे हटिया लाग्ने स्थानमा महिला दिदी बहिनीहरुले सामुहिक रुपले भेला भएर कार्यक्रम गरिएको मुुल आयोजक समितिका जनक चौधरीले जानकारी दिए ।
कार्यक्रममा रामधुनी ७ नं. वडा अध्यक्ष केशव गौतम, रामधुनी ६ नं. वडा कार्यालयको प्रतिनिधि अशोक चौधरी, रंजित चौधरी, रामधुनी ९ नं. वडा अध्यक्ष घनश्याम चौधरी, नेपाल पत्रकार महासंघ सुनसरीको अध्यक्ष जनक ऋषि राई, प्रेस युनियन सुुनसरी निवर्तमान अध्यक्ष पवन अधिकारी, फोनिज सुनसरी निवर्तमान अध्यक्ष धिरेन्द्र चौधरी लगायतका अतिथीहरुको उपस्थिती रहेको थियो । भने कार्यक्रम संचालन तथा उद्घोषण प्रदिप चौधरी र सरस्वती चौधरीले गरेका थिए ।