रामधुनी खबर संवाददाता
झुम्का, कार्तिक २० । बालबालिकाहरुले सार्वजानिक कार्यक्रम तथा मञ्चमा औपाचरीक कार्यक्रम बोल्न सक्ने क्षमता विकासका लागि उद्धघोषण तालिम समपन्न गरेको छ । रामधुनी ९ नं.वडा कार्यालयले वडा बालसंजालका नव पदाधिकारी लगायतका बालबालिकाहरुलाई दुुई दिवसीय उद्धोषण तालिम दिएको हो ।
“बालबालिकामा लगानी, सुनिश्चित भविष्यको थालनी” को उधेश्य सहित बालबालिकाहरुको लागि तालिमको आयोजना गरेको वडा कार्यालयले जनाएको छ । तालिमबाट संचार, सुचना, उद्धोषण, उद्धोषण गर्न सक्ने नियम, औपचारीक कार्यक्रमको प्रकृयाका नियम, उद्धोषकले माइकमा बोल्ने उपाय, मनतब्य दिन सक्ने उपायहरुको बारेमा जानकार भएको सहभागी प्रशिक्षार्थीहरुले बताए ।
यस तालिमले कुनै पनि सभा, सम्मेलन, गोष्ठी, भेला, कार्यक्रम औपचारिकता अनुसार फर्मेट बनाउन सक्ने र सजिलै उद्धोषण गर्न सक्ने क्षमता विकास भएको अन्सुु चौधरीले जानकारी दिइन् । समृद्ध वडा बाल संजालकी सचिव समेत रहेकी चौधरीले उद्धोषण तालिमको समापन तथा प्रमाणपत्र वितरण कार्यक्रमको संचालिका हुँदै प्रष्टरुपले संचालन गरेकी थिइन् ।
तालिमबाट पाएको उपलब्धि व्यवहारमा ल्याउदै थप अभ्यास गर्ने र उद्धोषणकलामा सक्षम बन्दै जाने र प्रष्ट बक्ता बन्न सक्ने सुत्रहरु पाएको सहभागी प्रशिक्षार्थी नितिका धिमिरेले बताइन् । यसैगरी आउदा दिनहरुमा कार्यक्रम संचालन तथा उद्धोषण गर्न सक्ने आँट आएको र यसले साकारात्मक विचारहरुको सिर्जना गर्न समेतक सहयोग गर्ने भन्दै प्रशिक्षार्थी एलेक्स चौधरीले बताए ।
तालिम उद्धघाटनमा जिल्ला समन्वय समिति सुनसरी सदस्य लाल कुमारी चौधरीको प्रमुख आतिथ्यतामा भएको थियो । कार्यक्रममा वडा अध्यक्ष घनश्याम चौधरीले आफनो धारणा राख्दै वडाका बालबालिकाहरुमा सुुनिश्चित भबिष्य निर्धारणका लागि बालबालिका लक्षित योजना प्राथमिक्तामा राखेको जानकारी दिनुुभयो । भोलीका कर्णधार बालबालिकाहरु आजबाटै समयमै व्यवहारिक भएर अगाडी बढ्न सहीबाटो देखुन र प्रोत्साहन होउन भन्ने अपेक्षा रहेको वडाअध्यक्ष चौधरीले बताउनुभयो ।
कार्यक्रममा वडा बाल सम्पर्क ब्यक्ति बिजय चौधरी, निवर्तमान समृद वडा बाल संजाल अध्यक्ष मोनिका चौधरीले धारणा राख्दै बालबालिकाहरुमा उद्धोषणका लागि जागरुक गराएका थिए । तालिममा दुुई दिन प्रशिक्षण अमर खड्काले गरेको बाल समपर्क ब्यक्ति बिजय चौधरीले जानकारी दिए । कार्यक्रमका लागि सहजिकरण रामधुनी खबर साप्ताहिकले गरेको थियो । तालिममा ३५ जना बालबालिका सहभागी थिए ।
