रामधुनी खबर संवाददाता
झुम्का, मंसिर १३ । दाजुभाई दिदीबहिनीहरुको सम्बन्ध प्रगाढ तथा सुस्वास्थयको कामना गर्दै कुरौटे व्यवहारलाई अन्तयको लागि खेलीने खेल समा–चकेवा बिदाई गरिएको छ । समा–चकेवा पर्व तिहार भाइटिकाको दिन देखि कार्तिक शुक्ल पुर्णिमामा सम्म १५ औँ दिन माटोको समाचकेवा प्रतिमुर्ति बनाई खेल खेल्दै पर्व मनाइन्छ । कार्तिक शुक्ल पुर्णिमामा बिर्सजन गरिने समा–चकेवा मेजबान राख्ने समेत चलन रहेको छ ।
यसै चलन अनुसार रामधुनी ४ नं. वडाका टोलहरुमा मनाएको समा–चकेवा मेजबानी राखेर बुधवार सामुहिक विदाई गरेको छ । थारु महिला सभा वडा समिति आयोजना र रामधुनी ४ नं. वडाकार्यालयको सहयोगमा वडाका टोलहरुमा मनाएको समा–चकेवा इक्राही टोल स्थित पोखरीमा सामुहिक बिदाई गरिएको हो । वडा अध्यक्ष कमल कार्कीको प्रमुख आतिथ्यतामा एकता र एकजुटताको शन्देस दिदै समा चकेवा बिर्सजन कार्यक्रम गरेको आयोजक समितिले जानकारी दिएको छ ।
समा–चकेवा नदी, तलाउ, पोखरी, नहरमा विर्सजन गर्ने परम्परा अनुसार वडाअध्यक्ष कार्की सहित सामुहिक रुपले नाङलोमा राखिएको समाचकेवा पोखीमा विसर्जन गरेको छ । विर्सजन पहिले समा–चकेवालाई दहिच्युरा चढाएर समा खेल्ने साथीहरुमा एक अर्काको समा लिदै दिदै संगिनी जोडिने समा–चकेवाको विधि दर्शाएको थियो । यसैगरी वडा महिला समितीकी सभापति बबिता चौधरीको सभापतित्वमा आयोजित विसर्जन कार्यक्रमबाट समा–चकेवाको पौराणिक लोक गीत गाउने गीतहाइरहरुले थारु लोग परमपराका गीत गाउने निरन्तरता दिएको अवसरमा प्रोत्साहनका लागि वडाअध्यक्षले दोसल्लाह ओढाई सम्मान गरेको छ । समा विर्सजन पछि दहि च्युरा प्रसाद वितरण गर्दै कार्यक्रम सम्पन्न गरेको वडा महिला सचिव सरस्वती चौधरीले जानकारी दिइन् ।
यो पर्व मानव जीवनमा आफैमा धन्य र पुण्य प्राप्त गर्ने महत्वपुर्ण पर्वको रुपमा प्रतिष्ठीत र स्थापित हुन पुगेको छ । समाचकेवा पर्व महिलाहरुको सामुहिक मनोरञ्जनात्क खेल तथा कला प्रदशनीको रुपमा रहेको पाइन्छ । समा–चकेवामा विभिन्न प्रतिमुर्ती हुन्छन् । समाचकेवा, मृदंगीया (मृदङा बजाउने) , झाइलवाला (झयाल वजाउने), नटुवा (नटकी वा नृत्य गर्र्ने), विपातर ( विपतीबाट उपाय निकाल्ने ), नाहभैया (ढुंगा खियाउने), कुकुर (सहयोगी जनावर), भमरा (प्रेमको प्रतिक), वृन्दावोनी (वृन्दावनको प्रतिक), ज्वालिन (वाला) चुगला (कुरौटे) हुन्छन् ।
