रामधुनी खबर संवाददाता
झुम्का, मंसिर १७ । ३२ औँ अन्तराष्ट्रिय अपाङ्गता दिवसको अवसरमा आइतवार अपाङ्गता उत्थान केन्द्र नगर स्तरीय अपाङ्गता समिति रामधुनीले एक कार्यक्रमगरी मनाएको छ । दिगो विकास लक्ष्य खोज्दै अपनत्व र नेतृत्व सहितको एक्यबद्धताका लागि प्रदेश सभा सदस्य रेवतीरमण भणडारीको प्रमुख आतिथ्यतामा कार्यक्रम सम्पन्न गरेको हो ।
“दिगो विकास लक्ष्य प्राप्तीको प्रतिबद्धताः अपाङ्गता भएका ब्यक्तिको अपनत्व र नेतृत्व सहितको एक्यबद्धता” भन्ने मुलनारा सहितको कार्यक्रम आयोजना गरेको आयोजक समिति नगर स्तरीय अपाङ्गता समिति रामधुनीले जनाएको छ । नगरपालिका परिसरमा प्रदेश सभा सदस्यबाट अपाङ्गता उत्थान केन्द्रको उद्धघाटन गरिएको छ । रामधुनी नगरका एक सय भन्दा बढी अपाङ्गता भएका ब्यक्तिमा सहयोगी सामाग्रीको अभाव रहेको आयोजक समितिले समस्या प्रस्तुत गरेका छन् । जसको लागत रु ३० लाख सम्म पर्ने बताएको छ । कार्यक्रमबाट अपाङ्गता भएका ब्यक्ति बिरुद्ध हुने भेदभाव अन्तयगरी नागरिक, राजनीतिक, आर्थिक, रोजगार, सामाजिक तथा साँस्कृतिक अधिकारको सम्मान, अपनत्व र नेतृत्व हुनेपर्ने आवश्यक्तामा जोड दिएका थिए ।
अपाङ्गता भएका ब्यक्तिको दिगो विकास गर्न अहिलेको सरकार असक्षम रहेको प्रदेश सभा सदस्य तथा कार्यक्रमका प्रमुख अतिथी भणरीले आरोप लगाउनु भयो । आर्थिक संकटले डुब्दै गएको अवस्थामा सरकारले हेर्ने काम मात्र गर्ने गरेकोले सबै नेपालीमा आर्थिक संकट थुपार्दै गएको बताउनु भयो । यस आर्थिक संकटले अपाङ्गता भएका ब्यक्तिलाई चिन्नै छोडेकोले दिगो विकासमा सम्भवनै नरहेको उठान गर्नुभयो । सरकारले सन् २०३० सम्म दिगो विकास लक्ष्यका लागि भनिएको छ । यसका लागि एक सय बिस खर्ब खर्चिनु पर्ने हुन्छ । तर यो रवैयाले गर्न नसक्ने भन्दै प्रदेश सभा सदस्य भण्डारीले सरकारले सबै नेपालीहरुमा अर्थिक संकट मात्र थोपार्न खोजेको अरोप लगाउनुभयो ।
कार्यक्रममा उपप्रमुख तारा थापाले नगरका अपाङ्गता भएका ब्यक्तिको लागि नीति, योजनाहरु बनाएको बताउनुभयो । नगरबाट स्वास्थ्य विमा, सहयोगी सामाग्री बितरण लगायतका नगरपालिकाबाट अपाङ्गता भएका ब्यक्तिको हरेक क्षेत्रका लागि सहयोग गर्न तयार रहेको धारणा ब्यक्त गर्नुभयो ।
नगर स्तरीय अपाङ्गता समितिको अध्यक्ष डिल्ली चौलागाईको सभापतित्वमा आयोजित कार्यक्रममा अपाङ्गता भएका ब्यक्तिको कलाहरु समेत प्रस्तुत गरिएको छ । उनीहरुमा सार्वजानिक तथा सामाजिक रुपले गर्ने विभेदको बारेमा मार्मिक रुपले कविता, लेख, रचना प्रस्तुत गरिएको थियो ।
कार्यक्रममा उपस्थित अतिथी तथा बक्ताहरुले अपाङ्गता भएका ब्यक्तिमा उद्यमशिल बनाई स्वरोजगार बनाउन अति आवश्यक रहेको जोड दिए । शिक्षा शाखा राजन गेलाल, कार्यपालिका सदस्य शुसिला ढुंगाना, वडा अध्यक्ष घनश्याम चौधरी, शुरेन्द्र सिंह, प्रदिप खनाल लगायतले आफनो धारणा ब्यक्त गरेका थिए ।
कार्यक्रममा महिला बालबालिका शाखाका प्रमुख मोनाश्री आचार्यले स्वागत मन्तब्य राखेका थिए । कार्यक्रम संचालन नगर सचिव गोविन्द विष्टले गरेका थिए भने सांकेतिक भाषाबाट बुझाउन कार्यक्रममा आशिष काफ्लेले सांकेतिक भाषा प्रयोग गरेका थिए ।
