रामधुनी खबर संवाददाता
झुम्का,पौष १९ । रामधुनी ४ नं. वडा ग्रामिण क्षेत्र हो । ग्रामिण क्षेत्रका बिपन्न परिवारमा अस्पताल सम्म स्वास्थ्य पहुँचको अभावमा रोग जिवन बिताई रहेका हुन्छन् । यस अभावलाई हेर्दै स्वास्थय जाँच गराई समयमै रोग पत्तालगाई बिपन्न परिवारमा स्वास्थ्यका लागि बुधवार बृहत्तर निःशुल्क महिला स्वास्थ्य शिविर आयोजनागरी समपन्न गरेको छ ।
शिविरमा सेवा लिन आएकी दलित महिला कलेश्वरी सदाले स्वास्थ्य जाँच गराएकी छन् । अस्पताल सम्म पुग्न नसकेको सदाले शिविरमा सेवा लिएर रोग निक्यौलगरी निःशुल्क औषधी समेत लिन पाउँदा स्वास्थ्यमा सचेत भएको बताइन् । यसैगरी रामदुलारी सदा पनि स्वास्थ्य जाँच गराई रोगबाट हुने सम्भावित गम्भिर समस्याबाट बच्ने उपाय समयमै पाउँदा खुसी हुँदै शिविर आयोजक कर्तामा धन्यवाद समेत ब्यक्त गरेकी छन् ।
शिविरबाट २ सय ३४ जनाले सेवा लिएका छन् । सेवा लिने सेवा ग्राहीमा बढी दलित तथा विपन्न परिवारका बिरामीहरुले सेवा लिएको आयोजले जानकारी दिए । एक जना बिरामीमा सबै प्रकार स्वास्थ्य समस्या रहेकोले बिराटनगर नोवेल अस्पतालमै राखेर स्वस्थ्य उपचार गराउने नोवेल अस्पतालका मार्केटिङ नविन दाहालले जानकारी दिए ।
शिविर नगर उपप्रमुख तारा थापाको प्रमुख आतिथ्यतामा उद्धघाटनगरी संचालन गरेको थियो । रामधुनी ४ नं. वडा अध्यक्ष कमल कार्कीको सभापतित्वमा आयोजित शिविरबाट इसिजी, भिडियो एक्सरे, इको, ल्याब परिक्षण, पाठेघर सम्बन्धि जाँच तथा निःशुल्क औषधी बितरण सेवा उपलब्ध गराएको छ ।
शिविरका लागि सेभ द अर्थ सुनसरी, इटिसि नेपाल, एन.आर.एन.अस्ट्रेलियाले सहयोग गरेको आयोजक समितिले जानकारी दिए । शिविरमा सहभागी डक्टरहरुलाई सेभ द अर्थले सम्मान समेत गरेको थियो । शिविर लालपुर सहरी स्वास्थ्य केन्द्रमा भएको थियो भने प्राविधक सहयोग नोवेल अस्पताल बिराटनगरको रहेको आयोजक रामधुनी ४ नं. वडा कार्यालयले जानकारी दिए ।