रामधुनी खबर संवाददाता
झुम्का,पौष २६ । झुम्का बहुउदेश्यीय सहकारी रामधुनी वडा नं. १ को बिहिवार बार्षिक साधारण सभा समपन्न भएको छ । आ.ब. २०७९÷०८० को आयव्यय तथा प्रगती विवरण र आगामी आर्थिक बर्षको प्रस्तावित योजना प्रस्तुत गर्दै ३४ औँ बार्षिक साधारण सभा समपन्न गरेको हो ।
रामधुनी नगर प्रमुख शंकरलाल चौधरीको प्रमुख आतिथ्यतामा आयोजित साधारण सभामा संस्थाका अध्यक्ष डुनारायण चौधरीले प्रगती विवरण र आगामी आर्थिक बर्षको प्रस्तावित योजना प्रस्तुत गरेका छन् । संस्थाबाट निक्षेपमा १० प्रतिशत ब्याद प्रावाह गर्ने र ऋणमा १६ प्रतिशत ब्याज यथावत राख्ने जनाएको छ । संस्था विभिन्न कालखण्डमा अनेक वाधा–अवरोधको सामना गर्दै कठिन समयमा समस्याहरु संग जुझ्दै सदस्यहरुलाई उधेश्य अनुरुप सेवा सुविधा उपलब्ध र लाभांस वितरण गर्दै आइरहेको बताए ।
सेवाग्राहीका लागि सहज सुविधा प्रदान गर्न विभिन्न संघ संस्था स्थनीय सरकार संगको सहकार्य बढाउदै गएको अध्यक्षको प्रतिवेदनमा उल्लेख रहेको छ । संस्थाबाट सेवा प्रवाहमा माग आवश्यक्ता अनुपातमा मल खाद्य, विउ विजन उपलब्ध नभएको हुँदा अपेक्षाकृत कारोवार हुन नसक्दा लक्ष्य प्राप्ती प्रभावित भएको अध्यक्ष चौधरीले जनाएको छ ।
संस्थाको आयब्यय तथा आर्थिक प्रतिवेदन लेखा सुपरिवेक्षक सदस्य रामेश्वर चौधरीले प्रस्तुत गरेका छन् । लेखा संयोजक घनश्याम चौधरीको हस्ताक्षरित प्रतिवेदन सदस्य रामेश्वर चौधरीले प्रस्तुत गर्दै रु ३ करोड ४ लाख ३३ हजार ३० रुपैयाको कारोवार भएको बताए ।, संस्थाले यस आर्थिक बर्षमा रु ११ लाख ९० हजार ४७६ रुपैया निक्षेप संकलन गरेको जनाए । ऋण लगानी रु ३७ लाख १४ हजार ३२८ रुपैया गरेको आर्थिक प्रतिवेदनमा उल्लेख छ । संस्थाको शेयर सदस्य बृद्धिगरी ३५६ रहेको छ भने शेयर पँुजी रु २१ लख ९८ हजार ४०० रहेको छ ।
यस आर्थिक बर्षमा उत्कृष्ट नियमित बचत तर्फ रामधुनी वडा नं. ६ का मधुरलाल चौधरी, रामधुनी वडा न.. ५ का उपेन्द्र प्रसाद नेपाल र रामधुनी १ का कोशीला कुमारी चौधरीलाई सम्मान तथा पुरस्कृत गरिएको छ । असल ऋणीमा रामधुनी वडा नं. ३ का सोनावती चौधरी र सुगालाल चौधरीलाई सम्मान तथा पुरस्कृत गरिएको छ । संस्थाका व्यवस्थापक हरीनारायण चौधरीले इमान्दारीपूर्वक जिम्मेवारी बहन गरेको प्रशंसा गर्दै रु २५०० सहित पुरस्कृत गरिएको आयोजक संस्थाले जानकारी दिए ।
संस्थाका अध्यक्ष डुनारायण चौधरीको सभापतित्वमा आयोजित साधारण सभामा जिल्ला सहकारी संघका अध्यक्ष गुणराज काफले, संघका सदस्य उर्मिला कट्वाल, संस्थाका सल्लाहकार बद्रीनारायण चौधरीले संस्था र संचालक समिति तथा कर्मचारीले गरेको कार्य सराहनिय रहेको भन्दै आगामी कार्यको शुभकामना ब्यक्त गरेका छन् । कार्यक्रम संचालन संस्थाका सचिव दिपनारायण चौधरीले संचालन गरेका थिए ।