रामधुनी खबर संवाददाता
झुम्का, जेष्ठ २८ । रामधुनी नगरपालिका र नगरप्रमुख शंकरलाल चौधरी माथी राजनीतिक पुर्वाग्रह र नगर विकासमा प्रभावित पार्ने केही प्रतिपक्षी दलको व्यवहार भएको बिज्ञप्ती सार्वजानिक गरेको छ । माग गरिएको सुचना नगरपालिकाको कार्यालयबाट पटक–पटक उपलब्ध गराइसकिएको भएपनि प्रतिपक्षी दल नगर विकासमा प्रभावित पार्न अनावश्यक भ्रामक प्रचारमा उद्धत भएको नेकपा एमाले रामधुनी नगर कमिटीले सोमवार सार्वजानिक गरेको बिज्ञप्तीमा उल्लेख गरेको छ ।
सुचनाको हक भन्दै विभिन्न राजनैतिक दल र संघसस्थाहरुले राजनीतिक पुर्वग्रह राखी रामधुनी नगरपालिका र पार्टीबाट निर्वाचित जनप्रतिनिधिलाई समय सिमा तोक्ने, उपलब्ध गराइएका प्रमाणित सुचनाहरुलाई विश्वास नगर्ने र बारम्बार सुचना उपलब्ध गराउन दबाब दिने घटना क्रम प्रति नगर कमिटीले घोर आपती जनाएको छ । नगरपालिकाको वेबसाइड र सार्वजानिक सुनुवाईमा समेत सर्वजानिक गरिसकिएकोले प्रतिपक्षी दलले अनावश्यक प्रचार गर्ने र समाजमा भ्रम फैलाउने खालका समाचारहरु मिडिया र सामाजिक संजालमा आएका समाचारहरु प्रति ध्यान आकर्षण भएको नेकपा एमाले रामधुनी नगर कमिटीको बिज्ञप्तीमा रहेको छ ।
नेपालको संविधान भाग ३ धारा २७ मा उल्लेखित जनताको सुचित हुने अधिकारलाई सुनिश्चितता गर्न नगरपालिकाबाट विभिन्न समयमा सार्वजानिक सुनुवाई गर्ने, पत्रकार सम्मेलन गर्ने, नगरपालिकाको वेबसाइटबाट प्रकाशित गर्ने अडित गर्ने कुराहरु कार्यविधिको दायरामा रही गर्ने भएकोले अनुचित मागहरु राखी घेराबन्दी नगर्न अनुरोध गरिएको छ ।
नेकपा एमाले विधिको शासन मान्ने, जनउत्तरदायी, पारदर्शी, जवाफदेही, जनता मुखी र भ्रष्टचार रहित समाजको परिकल्पनागरी प्रभावकारी ढंगले आफना जनप्रतिनिधिलाई आफना कार्य गर्न निर्दैशित गर्ने पार्टी रहेको भन्दै पछिल्लो समयमा विकसित भएका घटनाक्रमहरुलाई नजिकबाट नियाली रहेका छौँ । नेकपा एमालेबाट निर्वाचित जनप्रतिनिधिहरुलाई जनताका मुद्धा प्रति बिचलित नभई आफनो कार्य सम्पादनमा लाग्न, जनपक्षीय कार्य गर्दा गर्दै कतैबाट अनुचित दवाव सिर्जना हुन्छ भने त्यसलाई चिरेर अगाडी बढ्न बिज्ञप्ती मार्फत निर्दैशित गरिएको छ ।
रामधुनी नगरको समग्र विकासका लागि कसैले पनि अनावश्यक दवाव सिर्जना नगर्न सम्बन्धित सबैमा नेकपा एमाले रामधुनी नगर कमिटी अध्यक्ष योगेन्द्र खड्का र सचिव नवराज खड्काको हस्ताक्षरित बिज्ञप्तीबाट ध्यान आकर्षण गराएको छ ।