रामधुनी खबर संवाददाता
झुम्का, असार १० । रामधुनी नगरपालिकाले सोमवार १६ औँ नगर सभाबाट नीति तथा कार्यक्रम र बजेट पारित गरेको छ । आगामी आर्थिक बर्षका लागि रु ७५ करोड ३२ लाख २१ हजार ७ सय ९५ रुपैयाको बजेट सार्वजानिक गर्दै नगर सभाबाट पारित गरेको हो ।
नगरपालिकाको नगर प्रमुख शंकरलाल चौधरीले आर्थिक बर्ष २०८१÷०८२ का लागि नीति तथा कार्यक्रम सार्वजानिक गर्नु भयो भने उपप्रमुख तारा थापाले नगर सभाबाट बजेट प्रस्तुत गर्नु भयो ।
बजेट प्रस्तुतबाट झुम्का बजार प्रवद्र्धन गर्न नगर गौरबको योजनालाई निरन्तरता दिएको छ । योजनामा पूर्वाधार विकास प्राथमिक्तामा राख्दै रु ६ करोड बजेट विनियोजन गरेको छ । बजार संग जोडिएको बाटो कालोपत्रे गर्न नगर गौरबको योजनाबाट निरन्तरता दिएको हो। नगरको गौरबको योजनामा सब भन्दा बढी भादगाउँ सिनुवारी क्यामपसका लागि रु ७८ लाख विनियोजन गरेको छ ।
नगर विकास योजनामा रु ३ करोड १२ लाख बजेट ल्याएको छ । यस योजनाको शिर्षकमा सवारी साधन खरिदमा रु ८५ लाख सब भन्दा बढी रकम राखिएको छ ।
प्रशासनिक खर्चमा रु १५ करोड ४९ लाख ६१ हजार विनियोजन गरेको छ । प्रशासनिक खर्चमा कर्मचारी कल्याणकोष अन्तर्गत रु १ करोड सब भन्दा बढी रकम विनियोजन गरेको छ ।
आर्थिक विकास तर्फ रु १ करोड ४५ लाख, सामाजिक विकास तर्फ २५ करोड ५७ लाख, पूर्वाधार तर्फ रु १० करोड ८७ लाख, वन वातावरण विपद र फोहोर मैला व्यवस्थापनमा ६८ लाख ६० हजार, सुशासन तथा संस्थागत क्षमता विकास तर्फ रु २ करोड ६३ लाख बजेट विनियोजन गरेको सार्वजानिक बजेट प्रतिवेदनमा उल्लेख रहेको छ ।
बजेट खर्चका लागि प्रशासनिक खर्च, नगरका गौरबका योजना, नगर विकास योजना, नगर स्तरीय योजना तथा कार्यक्रमहरुमा पूर्वाधार, सामाजिक विकास तर्फ खेलकुद, बिद्यालय, शिक्षा, स्वास्थ्य विकास कार्यक्रम, महिला बालबालिका, दलित, अपाङ्गता, जेष्ठ नागरिक, आदिवासी जनजाति, पिछडा वर्ग, मन्दिर विकास, महिला लक्षित कार्यक्रम, कृषि विकास, पशु विकास, सहकारी विकास उद्योग तथा पर्यटन, वन वातावरण तथा विपद व्यवस्थापन, सुशासन तथा संस्थागत विकास तर्फ बजेट विनियोजन गरेको छ ।