चन्द्रकला चौधरी (राख सम्वाददाता)
झुम्का, जेष्ठ १७ । थारु महिला उत्थान समाज र रामधुनी नगरपालिका १ नं. वडा स्तरीय महिला समितिले संस्थाको पदाधिकारी आशा चौधरीको सासुआमा निधन प्रति सोमवार भावपुर्ण श्रद्धाञ्जली अपर्ण गरेको छ । उत्थान समाजको उपाध्यक्ष र वडास्तरीय महिला समितिका अध्यक्ष रहनु भएकी चौधरीको मम्तामयी सासुआमा राजेश्वरी थरुनीको स्वर्गारोहणको दुःखद घडीमा दिवंगत आत्माको चिरशान्तीको कामना तथा भावपूर्ण श्रद्धाञ्जली अर्पण गर्दै सोकाकुल परिवार प्रति समावेदना ब्यक्त गरेको हो ।
समाज सेवी तथा महिला अधिकार कर्मी चौधरीको सासुआमा राजेश्वरी थरुनीको ७४ बर्षको उमेरमा निधन भएको छ । रामधुनी वडा नं. ९ मर्चैया निवासी थरुनीको २००४ सालमा जन्म भई २०७८ जेष्ठ ११ गते निधन भएको हो । उत्थान समाज तथा महिला समितिका पदाधिकारीहरु श्रद्धाञ्जली अपर्ण गर्दै मौन धारण गरेका छन् । थारु महिला उत्थानका अध्यक्ष सिता थरुनी, नगर महिला समिति नगर अध्यक्ष डायन्द्रा ढुंगानाको नेतृत्वमा श्रद्धान्जली अपर्णगरी मृतकको परिवाजनमा धैर्यधारण प्रतिको हौसला प्रदान गरेको छ ।
स्वर्गीय थरुनीको १ छोरा त्रिलोकीनाथ चौधरी बुहारी आशा चौधरी, ४ छोरी ज्वाँई, ४ नाती, ५ नातिनि, १ पनाती र १ पनातीनी छन् । स्वर्गिय थरुनी रामधुनी न.पा. १ सिनुवारीमा पिता उखमलाल चौधरी माता अशिया थरुनीको कोखबाट जन्मनुभई रामधुनी ९ मर्चैया निवासी विन्देश्वर चौधरीसंग वैवाहिक बन्धनमा बाधिनु भएको थियो ।