राख संवाददाता
झुम्का, चैत्र २० । झुम्का उद्योग बाणिज्य संघ बिशुद्ध उद्योगी ब्यापारीहरुको संगठन हुनु पर्नेमा राजनीतिक अख्डा बन्दै गएको आरोप लगाएका छन् । संघमा राजनीतिक हस्तक्षेप ग्रस्त र ब्यक्तिवादी हावीका कारण उद्योगी ब्यापारीहरुको हितमा काम गर्न नसकेको मिथिला एकता समाजका भोला रौनियारले आरोप लगाएका हुन ।
बाणिज्य संघको ८ औँ साधारण सभामा बोल्दै संघको १४ बर्ष भयो जति पनि समिति आएपनि बार्षिक साधारण सभा बार्षिक रुपमा गर्न नसकेको रौनियारले बताए । संस्थाको गतिविधिलाई पार्दशिता गर्न नसक्दा संस्थाको बिश्वास प्रतिको आस्था गुम्दै गएको उन्को भनाई रहेको छ । संघको समितिको काम गर्ने असक्षमताले ब्यापारीहरुको हितमा काम हुन नसक्दा झुम्काबाट ब्यपारीहरु बिस्थापित हुन बाध्य परेको बताए । समितिमा निर्वाचित भैरहदा गरेको घोषणा प्रतिबद्धता समेतमा काम गर्न नसक्दा ब्यापारिक केन्द्र बन्दै गरेकोमा झुम्कालाई ध्वस्त बनाएको समेत रौनियारको आरोप रहेको छ ।
अबका दिनमा रामधुनी नगर क्षेत्र औधोगिक क्षेत्र र कृषि क्षेत्र बर्गिकरण हुनु पर्ने समेत रौनियारले ध्यान आकर्षण गराएका छन् । नगरप्रमुख जयप्रकाश चौधरीको प्रमुख आतिथ्यतामा आयोजित सभामा औधोगिक क्षेत्र र कृषि क्षेत्र बर्गिकरणगरी विकास गर्नु पर्ने समेत मिथिला एकता समाजका रौनियारले आफनो धारणा राखेका हुन ।
यसैगरी पुर्व अध्यक्ष सगेन चौधरीले पनि आफु अध्यक्ष रहदा आफुलाई राजनीतिक दवाव आएको बताए । तथापी पनि सो दवावलाई पन्छाउदै स्वतन्त्र रुपले काम गरेको अनुभव सुनाए । ब्यपारीहरु राजनीतिककालागि पार्टी खोज्दै आउने गरेकोले राजनीतिक हुनु स्वाभाविक रहेको नेपाली कागे्रश अध्यक्ष सुदिप अधिकारले बताए । राजनीतिक सबै क्षेत्रमा हुने गरेपनि कति हद सम्म गर्नु पर्नेमा धेयय राख्नु पर्ने समेत सुझाव नेपाली कागे्रश अध्यक्ष अधिकारीको रहेको छ ।
झुम्का उद्योग बाणिज्य संघ समितिको ८ औँ साधारण सभा उद्धघाटन समारोह सम्पन्न भएपनि बन्द सत्र प्रभावित भएको छ । कार्य समितिको अथक प्रयास रहेपनि सदस्यहरुको गणक पुरक संख्या नपुग्दा बन्द सत्रहुनु अगावै अध्यक्ष धमेन्द्र साहले बन्दसत्र स्थगित भएको घोषणा गरेका हुन् । संस्थामा नविकरण गरेका र नयाँ दर्ता अनुसार झुम्का उद्योग बाणिज्य संघमा ९ सय ८७ सदस्यहरु आबद्ध छन् । संघको बिधान अनुसार सदस्यको उपस्थिती हुनुपर्नेमा सो अनुसार सदस्य उपस्थित नहुदा अध्यक्ष साहले बन्दसत्र सुरुहुनु अगावै स्थागितको घोषणा गर्नु परेको हो ।
