रामधुनी खबर संवाददाता
झुम्का, कार्तिक २४ । नेकपा एमाले रामधुनी नगर कमिटीले चाडपर्व लक्षित शुुभकामना आदानप्रदान तथा चियापान कार्यक्रम समपन्न गरेको छ । २०८० सालको विजया दशमी, शुभदिपावली, छठ तथा उधौलीउभौली पर्वको अवसरमा बिहिवार शुभकामना आदानप्रदान तथा चियापान कार्यक्रम समपन्न गरेको हो ।
नेकपा एमाले स्थायी समिति सदस्य भिम आचार्यको प्रमुुख आतिथ्यतामा देउसीभैलो खेल्दै कार्यक्रममा सम्पूर्ण सदस्य, शुुभचिन्तकहरु शुुभकामना आदान प्रदान गरेका छन् । प्रमुखअतिथी आचार्यले नेकपा एमाले जनलक्षित कार्यमा सक्रियताका साथ लाग्नु पर्ने भन्दै चाडपर्वको शुुभकामना दिनुभयो ।
कार्यक्रममा बक्ताहरुले नेकपा एमालेको नेतृत्वमा भएका विकासका कामहरु प्रचार प्रसार हुन नसकेको बताएका छन् । नेकपा एमालेको नेतृत्वमा जनताकै मर्मअनुसार धेरै विकासका कायमहरु भएको छ । पूर्वाधार, सामाजिक, आर्थिक विकासका योजना लक्षितगरी योजनाहरु उपलब्धि गरेको छ, सो योजनाका कामहरु प्रचार प्रसार गर्नुपर्ने केन्द्रिय सदस्य मन्जु भण्डारीले धारणा राख्नुभयो ।
नगर कमिटी अध्यक्ष योगेन्द्र खड्को सभापतित्वमा आयोजित कार्यक्रममा प्रदेश सांसद बिजय राई, जिल्ला अध्यक्ष रेवती रमण भण्डारी, जिल्ला उपसचिव राम कोइराला, जिल्ला संगठन प्रमुख नन्दकुमार वस्नेत, रामधुनी नगर प्रमुख शंकरलाल चौधरी, वडाअध्यक्ष केशव गौतम, रामनारायण चौधरी, बुधनारायण चौधरी, कमल कार्की,शुरेन्द्र सिंह, नेपाली काग्रेश नगर कमिटी अध्यक्ष सुदिप अधिकारी, पूर्व उपप्रमुख सविना चौधरी, डेगराज फुयाल लगायतका प्रतिनिधिहरुको उपस्थिती रहेको थियो ।
दिपावलीको अवसरमा नगर कमिटीले प्रत्येक वडामा देउसीभैलो खेल्ने अध्यक्ष खड्काले जानकारी दिए । यसका साथै सबै समुदायमा पार्टी पुर्याउनेगरी कार्यक्रमहरु आयोजना गर्ने भन्दै नगर अध्यक्ष खड्काले शुुभकामना ब्यक्त गरे । कार्यक्रम संचालन नवराज खड्काले संचालन गरेका थिए ।
