रामधुनी खबर संवाददाता
झुम्का,पौष २९ । राज्यको एक लाल जग्गा पनि हिनामिना नगरेको पूर्व उपप्रधान तथा गृहमन्त्री बिजय कुमार गच्छदारले बताएका छन् । थारु कल्याणकारिणी सभा इनरुवा वडा ५ ले आयोजना गरेको माघी एवंम तिलासंक्राईत महोत्सवमा प्रमुख आतिथ्यताको सम्बोधन गर्ने क्रम्मा गच्छदारले मैले नखाएको बिष लगाउने कार्य भयो न्याय पाएन भने जनताको अदालतबाट जाने बताएका हुन् ।
“मन्त्रीपरिषदको निर्णय भएको छ, प्रधानमन्त्रीको निर्दैशन छ, तर मलाई फसाउने कार्य गरेको छ” बिश्वास छ, म नयाय पाउछु” । “तिन प्रमुख दललाई एकै ठाउँमा ल्याएर संविधान निर्माणका लागि, देशमा लोकतन्त्रका लागि, जनताको गणतन्त्रका लागि भूमिका खेलेको छु, ।
“पाँच पटक उपप्रधानमन्त्री भै सकेको छु, अबको राज्यको नेतृत्व आदिवासी थारुले गर्छन् भन्ने डर छन्, र यसले षडयन्त्र पूर्वक आरोपमा फसाउने कार्य भएकोले जनताले मलाई न्याय दिलाउने बिश्वास छ” भन्दै आफनो धारणा ब्यक्त गरेका छन् ।
तिन दलको मात्रले होइन जनताको आन्दोलन, थारु आन्दोलन, मधेश आन्दोलन, आदिवासी आन्दोलन, दलित उत्पीडित आन्दोलनले देशमा जनताको अधिकार बहाली भएको भन्दै अहिलेको सरकार प्रमुखहरुले संविधानलाई चुनौती दिइरहेको र राजनीतिकलाई बदनाम गराउने कार्य गरेको पूर्व उपप्रधानमन्त्री गच्छदारको आरोप छ ।
ललिता निवासको जग्गा हिनामिना भएको बेला (२०६७) मा विजय गच्छदार भौतिक योजना तथा निर्माण मन्त्री थिए । सो बेला सो सरकारी जग्गा किर्ते गरेर व्यक्तिको नाममा लैजाने भूमिका खेलेको आरोप छ । ललिता निवासको ११३ रोपनी सरकारी जग्गा व्यक्तिको बनाई भ्रष्टाचार गरेको आरोपमा विशेष अदालतमा २०७६ माघ २२ गते गच्छदार सहित १७५ जनाविरुद्ध मुद्दा दायर गरिएको थियो ।