रामधुनी खबर संवाददाता
झुम्का, श्रावण ३ । रामधुनी नगरका एक बालक एक हप्ता देखि बेपत्ता भएका छन् । रामधुनी वडा नं.–२ धमौरा टोलका १४ बर्षीय बालक आरभ चौधरी असार २७ गते देखि बेपत्ता भएको परिवारजनले जानकारी दिएका हुन् ।
धमौराका करन कुशेश्वर चौधरी र हिरा चौधरीका छोरा हुन् । जनता मा.वि.सिंगिया कक्षा ७ मा अध्ययनरत चौधरी परिक्षा दिएर करिब १२ बजे देखि सम्पर्क विहीन भएको हो । बालकले कालो लुगामा धर्सो भएको लुगा लागाएका छन् ।
छोरा बेपत्ता हुँदा बुबा करन कुशेश्वर चौधरी र आमा हिरा चौधरी चिन्तित छन् । खोजतलासका लागि उन्का बुबा चौधरीले इलाका प्रहरी पकलीमा निवेदन दिएका छन् । बालकलाई भेट्नु हुने महानुभावले प्रहरी कार्यालयमा जिम्मा लगाई दिन परिवारजनले अनुरोध गरिएको छ । यसैगरी मोबाइल नं. ९८११३३६६१८ मा सम्पर्क गर्नु हुन अनुरोध गरिएको छ ।