रामधुनी खबर संवाददाता
झुम्का, फागुन ६ । राजनीतिककर्मी तथा थारु धरोहर बिजयकुमार गच्छदारलाई चरित्रहत्या गर्न लगाएको ओरोपमा न्यायलयले गरेको निर्णय तथा फैसलालाई थारु कल्याणकारिणी सभा (था.क.स.) सुनससरीले स्वागत गरेका छन् । देश र जनता प्रति वफादार भएर सेवा प्रति निःस्वार्थ भावले समर्पित गर्नु भएका एक कुशल राजनीतिककर्मी गच्छदारलाई राजनीतिक जिवन समाप्त गर्न लगाएको झुठा आरोप बिरुद्ध स्वतन्त्र न्यायलयले स्वतन्त्र रुपले निर्णय गरेको प्रति विज्ञप्ती जारीगरी स्वागत गरेको था.क.स.सुनसरी सभापति सगेन चौधरीले जानकारी दिएका हुन् ।
“बिजयकुमार गच्छदार ज्यु नेपाली राजनीतिकको बलियो पात्र हुनुका साथै थारुहरुको धरोहर पनि हुन्,” था.क.स.सुनसरी सभापति सगेन चौधरीले भने, “नेपालको पूर्व देखि पश्चिम सम्मको विकासमा उहाँको अहम भुमिका छ, नेपाली राजनीतिमा समय–समयमा देश र जनताका लागि बलियो पक्ष बन्ने क्षमता राख्दछ, उहाँले देशमा आएको संक्रमणकालमा राजनीतिक दलका प्रमुख नेताहरुलाई एकै ठाउँमा उभ्याएर नेपालको संविधान स्थापित गर्न र लोकतन्त्र, गणतन्त्रका लागि उहाँको अहम भूमिका रहेको छ, यसले आज नेपालको स्वतन्त्रता, सार्वभौमिकता, भौगोलिक अखण्डता, राष्ट्रिय एकता, स्वाधीनता र स्वाभिमानका लागि संविधान सुरक्षित र जनताको सार्वभौम अधिकार, स्वायतता र स्वशानको अधिकार स्थापित भएको छ, उहाँको यति ठुलो देन रहेकोले देश र जनता बिरुद्ध जानै सक्नु हुन्न तसर्थ थारुहरुको मात्र हैन नेपालकै धरोहर हुन् तर राजनीतिक पूर्वाग्रह राखि चरित्रहत्या गर्न खोजिएकोले त्यसलाई निस्तेज पार्दै आज न्यायलयबाट गच्छदार ज्युले न्याय पाउनुभएको छ, सत्यको जित भएकोले सम्मानित न्यायलयको फैसलालाई सम्मान गर्दै स्वागत गरेका छौँ” भन्दै था.क.स.सुनसरी सभापति चौधरीले स्वागत बिज्ञप्ती जारी गरेको बताए ।
बालुवाटारस्थित ललितानिवासको सरकारी जग्गा व्यक्तिको नाममा नामसारी गरेको भ्रष्टाचार मुद्दा तत्कालीन भौतिक पूर्वाधारमन्त्री विजयकुमार गच्छदार आरोपित थिए । २०७६ माघ २२ गते अख्तियार दुरुपयोग अनुसन्धान आयोगले विशेष अदालतमा मुद्दा दायर गर्दा तत्कालीन भौतिक पूर्वाधारमन्त्री विजयकुमार गच्छदारलाई अभियोग लगाएको थियो । सो अभियोगमा बिशेष अदालतले फैसला गर्दै गच्छदारले न्याय पाएका छन् । विशेष अदालतका न्यायाधीश खुशीप्रसाद थारु, रामबहादुर थापा र रितेन्द्र थापाको इजलासले मन्त्रीहरुलाई दोषी ठहर गर्न नमिल्ने फैसला गरेको हो ।
प्रेस विज्ञप्ती
सुनसरी जिल्लाबाट राजनीतिक रुपमा अगाडी बढ्दै देश र जनता प्रति वफादार भएर सेवा प्रति निःस्वार्थ भावले समर्पित गर्नु भएका एक कुशल राजनीतिककर्मी बिजय कुमार गच्छदार ज्यु विगतमा पनि देश प्रति निःस्वार्थ सेवा भावमा रहनु भयो र आज पनि देश प्रति सेवा भावमा नै हुनुहुन्छ । उहाँ नेपाल र नेपाली प्रति आफनो जिवन राजनीतिकमा समर्पित गर्नुभयो । यहि सेवा भावको मुल्याङ्कन गर्दै सम्मानित स्वतन्त्र न्यायलयले स्वतन्त्र रुपले न्याय गर्दै नेता बिजय कुमार गच्छदार ज्यु लाई लगाएको आरोपमा निर्दोष ठहर गरेको छ । सम्मानित स्वतन्त्र न्यायलयलाई सम्मान गर्दछौँ ।
बिजय कुमार गच्छदार ज्यु नेपाली राजनीतिकको बलियो पात्र हुनुका साथै थारुहरुको धरोहर पनि हुन् । नेपालको पूर्व देखि पश्चिम सम्मको विकासमा उहाँको अहम भुमिका छ । नेपाली राजनीतिमा समय– समयमा देश र जनताका लागि बलियो पक्ष बन्ने क्षमता राख्दछ । उहाँले देशमा आएको संक्रमणकालमा राजनीतिक दलका प्रमुख नेताहरुलाई एकै ठाउँमा उभ्याएर नेपालको संविधान स्थापित गर्न र लोकतन्त्र, गणतन्त्रका लागि उहाँको अहम भूमिका रहेको छ । यसले आज नेपालको स्वतन्त्रता, सार्वभौमिकता, भौगोलिक अखण्डता, राष्ट्रिय एकता, स्वाधीनता र स्वाभिमानका लागि संविधान सुरक्षित र जनताको सार्वभौम अधिकार, स्वायतता र स्वशानको अधिकार स्थापित भएको छ ।
देश र जनताका लागि सदैव चिन्तित रहनुहुने गच्छदार ज्यु को राजनीतिक जिवन समाप्त गर्न झुठा आरोप लगाएको हो । ललिता निवास जग्गा प्रकरणमा फसाउनु राजनीति पुर्वाग्रह पनि हो । यस प्रकरणमा मुख्य योजनाकार गच्छदारलाई चिनाउनु र राजनीतिक चरित्रहत्या गर्न प्रपञ्च गरिएको हो । तथापी पनि उहाँ अडिग रहनु भयो । गल्ती नगरेकोले सत्यताले उहाँ अडिगता कायम राख्नु भयो । यस खतरनाक प्रपञ्च, छल, कपट देशका लागि अहित, नश्लिय र निन्दनीय रहेको थारुकल्याणकारिणी सभा जिल्ला सुनसरीले ठहर गरेको छ ।
अन्ततः देशहितमा काम गर्दै आएको नेता बिजय कुमार गच्छदार ज्यु लाई राजनीतिक पूर्वाग्रह राखि लगाएको झुठा आरोप आज निस्तेज भएको छ । असत्य माथी सत्यको बिजय भएको छ । उहाँलाई आगामी दिनमा अडिग र निडर भएर देश सेवा भावमा लाग्दै नेपाल र नेपालीलाई सबै पक्षको विकासको बाटोमा डोर्याउनु हुन्छ भन्दै कार्यसफलताको कामना सहित थारु कल्याणकारिणी सभा जिल्ला कार्यसमिति सुनसरी परिवारबाट हार्दिक शुभकामना व्यक्त गर्दछौँ ।
सगेन चौधरी
सभापति
थारु कल्याणकारिणी सभा,सुनसरी