राख संवाददता
झुम्का, अशोज ६ । नेपाली कांग्रेसको आसन्न १४ औँ महाधिवेशन अन्तर्गत रामधुनी नगरमा नेतृत्व चयनका लागि सभापति उमेदवार सगेन चौधरीको प्यानल घोषणा भएको छ । राजनीतिक गुट र उपगुट निरुत्साहित र स्थानीयतहको चुनावमा ठुलो दल स्थापितको प्राथमिक्ता दिदै बुधवार सभापति उमेदवार चौधरीले आफ्नो प्यानल घोषणा गरेको हो ।
प्यानलमा दुई पद उप–सभापतिकालागी रामधुनी ३ नं. वडाका नारायण कोइराला र रामधुनी वडा नं. ६ का बिजय चौधरीलाई अघि सारेको छ । दुई सचिव पदमा रामधुनी ९ नं. वडाका नगेन्द्र चौधरी र रामधुनी ४ का अशोक बहादुर भण्डारीले उमेदवारी रहेको छ । सह–सचिव पदमा रामधुनी वडा नं. ४ का निष्मा काफ्ले र रामधुनी ५ नं. वडाबाट विषणु लिम्बुलाई अघि सारेको छ ।
प्यानल घोषणा गर्दै गुट र उपगुटले जुन सुकै क्षेत्रमा कमजोर बनाउने भएकोले रामधुनी नगर समितिमा मौलाएको गुट र उपगुट राजनीतिकबाट निरुत्साहित गर्ने सभापति उमेदवार सगेन चौधरीले बताए । “पार्टीलाई बाधा पुग्नेगरी रामधुनीमा गुटबन्दिको यथार्थता छ, राजनीतिक गुटबन्दि अन्त्यकालागी नेतृत्व परिवर्तको आवश्यक छ” भन्दै सभापति उमेदवार चौधरीले उठान गरेका छन् । “कांग्रेस नगर समिति र वडा समितिको समन्व्यमा पनि अभाव देखिदै आएको छ, समन्वय अभावले स्थानीयतहको चुनावमा रामधुनी १ नं. वडा बाहेक अन्य वडामा प्यानलै ल्याउन सकेनौ तसर्थ जसरी १ नं. वडामा प्यनलै ल्याउन भुमिका खेल्यौ त्यसरीनै नौ वटै वडामा रणनीति योजनाका साथ बिपक्षि दललाई कमजोर बनाई स्थानीय तहको चुनावमा ठुलो दल स्थापित गर्ने छौँ” भन्दै सभापति उमेदवार चौधरीले प्रतिबद्धता गरेका छन् ।
सभापति उमेदवार चौधरीले प्यानल घोषणा सहित पार्टीको हक हितमा ठोस कार्यहरु गर्ने घोषणा पत्र जारी गरेको छ । प्रतिबद्धता घोषणा पत्रमा उल्लेख अनुसार प्रत्येक बर्ष शुभेच्छुक तथा क्रियाशिल सदस्यहरुको नगर भेला गराई राय सल्लाह लिने कार्य गर्ने तथा नगर समितिले गर्ने कार्यको बार्षिक प्रतिवेदन पेश गर्ने जनाएको छ । नगर स्तरीय जेष्ठ सम्मान कार्यक्रम गर्ने, भातृ संस्थाहरुको तुरन्त गठन र जिमेवारी बाँड फाड गरी क्रिाशिल बनाउने, लक्षित बर्गलाई मुल प्रवाहमा ल्याउने, स्थानीय चुनावमा हाम्रो भन्दा राम्रो उमेदवारमा जोड दिने, कांग्रेसबाट जननिर्वाचित पदाधिकारीहरु संग नगरको रोहवरमा जन गुनासो, राय सल्लाहकालागी बर्षमा दुई पटक अन्तरक्रिया समिक्षा गर्ने, हालको नगर समितिले गरेका तथा बाँकी रहेको कार्यहरुलाई निरन्तरता र विधान बमोजिमका कार्यहरु गर्ने घोषणा पत्र मार्फत समितिका उमेदवारहरुले प्रतिबद्धता जनाएको छ ।
सभापति उमेदवार चौधरीले नगर समितिको चयन सहमतिमा हुनु पर्ने बिचार समेत अगाडी सारेको छ । पार्टीको हितकालागी सर्व पक्षिय बनाउन सहमति आवश्यक रहेकोले सहमतिको कुरामा जोड दिने बताए । घोषणा कार्यक्रममा पत्रकारहरु संग कुराकानी गर्दै समिति चयनमा अन्तिम सम्म सहमतिको प्रयास गरिरहने बताएको छ ।