रामधुनी खबर संवाददाता
झुम्का,जेष्ठ १७ गते । अस्पतालको पहँुच नभएका विपन्न परिवारका विरामीहरुलाई स्वास्थ्यमा सहज सेवा सम्म ल्याउन निःशुल्क आँखा तथा कान जाँच शिविर सम्पन्न गरेको छ । बिराटनगर आँखा अस्पताल रानीको आयोजना र आँखा तथा कान उपचार केन्द्र झुम्का रामधुनी १ को स्थानीय आयोजकमा बुधवार एक दिने निःशुल्क आँखा तथा कान जाँच शिविर समपन्न गरेको हो ।
शिविरबाट २०६ जनाले सेवालिएका छन् । आँखा जाँचका लागि १५० जनाले सेवा लिए भने कान जाँचका लागि ५६ जनाले सेवा लिएका हुन् । आँखा जाँच गर्दा मोतिबिन्दुका बिरामी तथा शल्यक्रिया गर्ने खालका ५० जना बिरामी रहेकोमा सबैलाई बिराटनगर आँखा अस्पताल रानीमा पठाई सकेको र निःशुल्क शल्यक्रिया सेवा दिने केन्द्रका प्रमुख सविन सिंहले जानकारी दिए ।
रामधुनी वडा नं. १ स्थित आँखा तथा कान उपचार केन्द्र झुम्का भा.सि.स्वास्थ्य चौकी भवन संगै रहेको छ । केन्द्रले नयाँ प्रविधिबाट सहुलियत रुपले जाँच सेवा उपलब्ध गराई रहेको छ । केन्द्रमा हरेक प्रकारका चश्मा समेत सहुलियतमा उपलब्ध गराउँदै छन् । आँखा तथा कान जचाउने विरामीहरुको क्रमश बृद्धि हुँदै गएको भन्दै केन्द्रका प्रमुख सिंहले एक पटक अवश्य सेवा लिन अनुरोध गरेका छन् ।